Фото: Globallookpress
Луврда Ўзбекистон экспозициясини ўтказишга тайёргарликнинг бориши Парижда муҳокама қилинди. Бу ҳақда Ташқи ишлар вазирлиги хабар бермоқда.
Қайд этилишича, 2019 йилнинг 13 ноябрь куни Францияда амалий ташриф билан бўлиб турган Ўзбекистон Республикаси ташқи ишлар вазири ўринбосари Дилшод Ахатов Лувр музейи президентининг дипломатик маслаҳатчиси Алберт Виал билан музокаралар ўтказди.
Учрашувда 2021 йилда Лувр музейида бўлиб ўтадиган «Ипак йўлидаги тамаддунлар ва маданиятлар» кўргазмасига тайёргарлик кўришнинг амалий масалалари муҳокама қилинди.
Билдирилишича, кўргазмада ўзбек халқининг тарихий ва маданий меросига бағишланган экспозиция намойиш этилади.
