“Насаф” “Пахтакор”га қарши, “Бухоро” Навоийдаги анъанани давом эттирадими? Суперлига 24-тур превьюси

Бекободдаги ўзаро охирги 3 ўйин:
2017 йил. Металлург – Динамо – 0:2
2015 йил. Металлург – Динамо – 4:2
2014 йил. Металлург – Динамо – 3:0

Имкониятлар: 40/35/25 

ҚИЗИЛҚУМ – БУХОРО
Бош ҳакам: Акобирхўжа Шукуруллаев
Ўйин бошланиш вақти: 16:45

Қўшни вилоятлар Навоий ва Бухоро жамоалари ўртасидаги баҳс ҳар доим муросасиз курашларга бой ўтган. Бу сафаргиси ҳам бундан мустасно бўлмайди. Ҳар ҳолда бу жамоалар ҳам лигада қолиш учун кураш олиб боришмоқда. Икки жамоага ҳам ғалаба сув ва ҳаводек зарур. Навоий жамоаси ўз уйида кўпроқ очко олаётган бўлса, Муҳсин Муҳаммадиев қўл остидаги бухороликлар сафарда яхшироқ натижа қайд этишмоқда. Демакки, Навоийда бизни ажойиб баҳс кутмоқда. Икки жамоа ҳам охирги турлардаги оғир вазиятга тушишни истамаса, фақат 3 очко олиши керак. Эътиборлиси, ўзаро ўйинлар статистикасига кўра, “Бухоро” мана сўнгги уч мавсумдирки, Навоийдан ғалаба билан қайтмоқда. Кўрамиз, бу сафар анъана давом этармикан..?

Навоийдаги ўзаро охирги 3 ўйин:
2018 йил. Қизилқум – Бухоро – 0:1
2017 йил. Қизилқум – Бухоро – 0:1
2016 йил. Қизилқум – Бухоро – 1:2
Имкониятлар: 30/40/30

 НАСАФ – ПАХТАКОР
Бош ҳакам: Олим Тўйчибоев
Ўйин бошланиш вақти: 13:30 
ТВ-трансляция: Спорт ТВ

Мамлакатимиз футболининг етакчи клублари бўлмиш “Насаф” ва “Пахтакор” ўртасидаги сўнгги йиллардаги учрашувлар анча муросасиз ва курашларга бой ўтаётганди. Аммо, Қарши клубининг аксарият етакчилари пойтахтликлар сафига ўтгач, жамоалар ўртасидаги фарқ катталашиб кетди. Бу сафар Тошкент клуби Қашқадарёга чемпион сифатида етиб келса-да, воҳага очко ташлаб кетиш учун келмайди. Жамоа сўнгги 6 ўйиндан бор йўғи биттасида ғалаба қозонди. “Насаф” сўнгги ўйинлардаги мағлубиятлардан кейин фақат ғалабани кўзлаши аниқ. Демакки, Қаршида ҳам мухлисларни томошабоп баҳс кутиб турибди.

Қаршидаги ўзаро охирги 3 ўйин:
2018 йил. Насаф – Пахтакор – 2:3
2017 йил. Насаф – Пахтакор – 4:0
2016 йил. Насаф – Пахтакор – 2:1
Имкониятлар: 30/35/35

 24 ноябрь, якшанба
СУРХОН - СЎҒДИЁНА
Бош ҳакам: Виктор Серазетдинов
Ўйин бошланиш вақти: 14:30

Учинчи ўрин учун яхшигина имконият ҳосил қилган Жиззахнинг “Сўғдиёна” клуби бу турда рақобатчиларидан бири “Сурхон” майдонига сафар қилади. Турнинг марказий баҳси сифатида қаралаётган ўйин муросасиз ўтиши аниқ. Зеро, айнан мана шундай баҳслардан кейин 2020 йилда Осиё майдонларида Ўзбекистон шарафини ҳимоя қиладиган яна бир клуб номи маълум бўлади. Термиз ва Жиззах жамоалари баҳсини икки томон мухлислари интиқлик билан кутишмоқда.

Ўзаро охирги 3 ўйин:
2018 йил. Лига Кубоги Сўғдиёна – Сурхон - 2:1
2018 йил. Суперлига. Сўғдиёна – Сурхон – 0:3
Имкониятлар: 30/40/30

АНДИЖОН – ЛОКОМОТИВ
Бош ҳакам: Рустам Лутфулин
Ўйин бошланиш вақти: 14:30

Самвел Бабаян бошқарувидаги «Темирйўлчилар» омадсизликларга барҳам беришмаса, 2-ўриндан ҳам қуруқ қолишлари мумкин. Жамоа бу сафар Андижонга сафар қилади. Водийда “Локомотив”га осон бўлмайди. Александр Хомяков шогирдлари мухлислари қаршисидаги баҳсларда яхши ўйин намойиш этишмоқда. Сўнгги турда “Бунёдкор”дан очко олинди. Бу турда ҳам “Локомотив” жиддий қаршиликка учраши аниқ.

Андижондаги ўзаро охирги 3 ўйин:
2016 йил. Андижон – Локомотив – 1:3
2015 йил. Андижон – Локомотив – 1:2
2014 йил. Андижон – Локомотив – 1:2
Имкониятлар: 30/30/35

БУНЁДКОР – НАВБАҲОР
Бош ҳакам: Фирдавс Норсафаров
Ўйин бошланиш вақти: 16:45

Турнинг сўнгги ва эътиборли ўйини Тошкентда ўтади. Вадим Абрамов қўл остидаги “Бунёдкор” жамоаси Наманганнинг “Навбаҳор” клубини қабул қилади. Тошкент клуби ОЧЛдан умидини узишни истамаса, водий жамоасини мағлуб этиши шарт. Акс ҳолда жамоа Осиё майдонларидан бир йилга умидини узади. “Навбаҳор” эса уч очко олган тақдирда бешликка кириши мумкин, акс ҳолда 7-ўринни ҳам қўлдан чиқариши ҳеч гапмас. Кўрамиз, навбатдаги тур баҳслари кимлар учун қувончли, ким учун эса аламли келаркин.

Тошкентдаги ўзаро охирги 3 ўйин:
2018 йил. Бунёдкор – Навбаҳор – 2:0
2017 йил. Бунёдкор – Навбаҳор – 2:2
2016 йил. Бунёдкор – Навбаҳор – 1:1
Имкониятлар: 35/30/30

Усмон Ибодов