Британиядаги электростанциянинг тўртта совутиш минораси тўрт сония ичида портлатиб йўқ қилинди

Буюк Британиядаги Шропшир электростанциясининг тўртта совутиш минораси масофадан портлатиш йўли билан йўқ қилинди. Баландлиги 120 метрдан ортиқ бўлган улкан иншоотлар тўрт сония ичида ер билан яксон бўлди.  

DailyMail газетасининг ёзишича, электростанция округни 46 йил давомида электр билан таъминлаб келган. У асосан кўмир билан ишлаган ва ЕИнинг йўриқномасига кўра ёпилган.
Электростанция 2015 йилда узил-кесил ёпилган, 140 гектардан ортиқ майдон янги уйлар қуриш учун сотиб олинган. 

Минораларни бузишга 10 миллион фунт стерлинг ва тайёргарлик кўриш учун беш ой вақт кетди.