Фото: Liverpool FC
«Ливерпуль» клуби бош мураббий Юрген Клопп билан шартномани узайтирганлигини эълон қилди. Бу ҳақда клуб расмий сайти хабар берди.
Янги шартнома 2024 йилнинг ёзига қадар амалда бўлади. Аввалги шартнома эса 2020/21 йилги мавсумгача белгиланганди.
«Ливерпуль» Англия Премьер-лигаси 16-туридан кейин 46 очко билан 1-ўринда бормоқда. 2-ўриндаги «Лестер» билан орадаги фарқ 8 очкони ташкил этади.
