Ўзбекистонда зилзила кузатилди, Термизда ер силкиниши кучи 4 баллни ташкил этди

Бугун, 20 декабрь куни Афғонистоннинг Ҳиндикуш тоғларида содир бўлган зилзила Ўзбекистоннинг барча ҳудудларида сезилди.

ФВВ Сейсмопрогностик мониторинг республика маркази хабар беришича, ер қимирлаши Тошкент шаҳридан 524 километр жанубда, соат 16:39да юз берган.

Зилзила магнитудаси 6,5, чуқурлиги 202 километрни ташкил этган.

Ер ости силкинишлари кучи Сурхондарёда 4 балл, Тошкент, Наманган, Андижон, Фарғона, Сирдарё, Жиззах, Самарқанд, Бухоро, Қашқадарё ва Навоийда 3 балл, Хоразм ва Қорақалпоғистонда 2 баллни ташкил этган.