Ливия Туркиядан ҳарбий ёрдам сўради

Фото: TASS/Zuma/Alberto Pezzali

БМТ томонидан тан олинган Ливия миллий келишув ҳукумати Туркиядан пойтахт Триполи мудофааси учун ҳарбий ёрдам кўрсатишни расман сўради. Бу ҳақда Daily Sabah нашри хабар берди.

Ливия раҳбарияти вакилининг таъкидлашича, Анқарага йўлланган илтимосда ҳаво, қуруқлик ва денгизда ёрдам зарурлиги кўрсатилган.

Аввалроқ Триполида пойтахтга юриш қилаётган Ливия миллий армияси билан ихтилоф янада авж олса, Анқарага бундай илтимос йўлланиши маълум қилинган.

Ўз навбатида, Анқарада январь бошида Триполига ҳарбий ёрдам кўрсатишга шай бўлишлари таъкидлаб ўтилган.

Тайёрлаган Шуҳрат Раҳимов

#Туркия #Ливия

2011 йилдан буён фуқаролик уруши ҳолатида бўлган Ливияда вазият янада чигаллашмоқда. Туркия Ливия билан ҳарбий соҳадаги ҳамкорлик асосида Африка шимолига ўз ҳарбийларини йўлламоқда.