Бўстонлиқда оқибати ўлим билан тугаган ЙТҲ рўй берди

Тошкент вилоятининг Бўстонлиқ туманида 1 январь куни соат 19:00ларда оқибати ўлим билан тугаган йўл-транспорт ҳодисаси рўй берди.

Postda.uz хабарига кўра, ҳайдовчи Н.А. «Спарк» русумли автомашинасини «Бектемир –Чорбоғ» 4Р-12 йўлининг 67-километрида ҳайдаб кетаётиб, пиёдалар – уй бекаси Х.Р. ва турмуш ўртоғи К.Р. ҳамда ўғли Р.Т.ни уриб юборган.

Натижада Х.Р. воқеа жойида вафот этган. К.Р. ва Р.Т. жароҳат олиб, касалхонага ётқизилган.

Ҳолат юзасидан жиноят иши қўзғатилган.