Эрондаги «Бушер» АЭС ёнида иккита ер силкиниши қайд этилди
АҚШ Геологик хизмати (USGS) маълумотларига кўра, Эрондаги «Бушер» атом электр станцияси яқинида 4,9 ва 4,5 магнитудали иккита ер силкиниши юз берди.
USGS хабарига кўра, 4,9 магнитудали ер силкиниши зилзила UTC вақти билан 2:20 (Тошкент вақти билан 7:20)да содир бўлган. Зилзила маркази Боразжон шаҳридан ўн километр жануби-шарқда бўлган, ер силкиниши ўчоғи ўн километрлик ер тубида жойлашган.
4,5 магнитудали иккинчи зилзила UTC вақти билан соат 3:19 (Тошкент вақти билан 8:19)да содир бўлди. Ер силкиниши маркази Боразжон шаҳридан 17 километр жануби-шарқда жойлашган, зилзила ўчоғи ўн километрлик чуқурликда бўлган.
«Бушер» атом электр станцияси зилзилалар қайд этилган жойдан 48 километр масофада жойлашган. Жабрланганлар ва вайронагарчиликлар ҳақида маълумот йўқ.
Мавзуга оид
13:25
Эрон парадда янги ракета ва дронларни намойиш қилди
16:57 / 22.09.2024
Эронда кўмир конида портлаш рўй берди. Ўнлаб кишилар ҳалок бўлган
22:15 / 21.09.2024
Эрон олий раҳнамоси 40 нафар чет эл фуқаросини афв этди
18:21 / 19.09.2024