Қўшимча функционаллар
-
Тунги кўриниш
2019 йилда Ўзбекистон бензин ишлаб чиқаришни камайтирди
Фото: РИА Новости
Давлат статистика қўмитаси хабарига кўра, 2019 йилнинг январь-декабрь ойларида республикада автомобиль бензини ишлаб чиқариш ҳажми 2018 йилнинг шу даврига нисбатан камайди.
Қайд этилишича, 2018 йилнинг шу даврида 1 147,0 минг тонна бензин ишлаб чиқарилган бўлса, 2019 йилда - 1 025,1 минг тонна.
Дизель ёқилғисини ишлаб чиқариш ҳажмида ҳам пасайиш кузатилди. 2018 йилда 1 080,8 минг тонна дизель ишлаб чиқарилган бўлса, 2019 йилда - 1 030,5 минг тонна.
Шу билан бирга, Ўзбекистон 2019 йил январь-декабрь ойларида нефть қазиб олишни 2018 йилнинг шу даврига нисбатан (745,7 минг тонна) қисқартирди - 698,6 минг тоннагача.
2019 йил январь-декабрь ойларида табиий газ қазиб олиш 59,4 миллиард куб метрни ташкил этди, бу 2018 йилнинг шу даврига нисбатан кам (60,3 миллиард куб метр).
2019 йил январь-декабрь ойларида Ўзбекистон 2,09 миллион тоннадан ортиқ газ конденсати қазиб олди, бу 2018 йилнинг шу даврига нисбатан кам (2,14 миллион тонна).
Мавзуга оид
18:39 / 20.11.2024
2024 йилда Қирғизистондан Ўзбекистонга газ экспорти 5 баробар ошди
15:18 / 20.11.2024
Ёқилғи қуйиш ва газ тўлдириш шохобчалари бўйича мобил илова ишга туширилди
15:10 / 13.11.2024
Биржага чиқарилаётган АИ-80 бензинининг бошланғич нархига нисбатан чеклов ўрнатилди
17:26 / 06.11.2024