Туркия Ливиядаги муаммолар учун Франция жавобгар эканлигини билдирди

Туркия Ливиядаги вазият беқарорлашганлигида Францияни жавобгар деб ҳисоблайди. Бу ҳақда Туркия ташқи ишлар вазирлиги расмий вакили Ҳами Оқсўй маълум қилди.

"Ливияда 2011 йилги инқироздан кейин бошланган барча муаммолар учун жавобгарлик Франция зиммасида", - деди у.

У шунингдек, Париж "Ливиядаги табиий ресурслар устидан назорат эвазига Халифа Ҳафтарга беғараз ёрдам" кўрсатаётганлигини таъкидлади.

Аввалроқ Франция президенти Эмманюэль Макрон Ражаб Тоййиб Эрдўғанни Ливияга суриялик ёлланма жангчиларни юборганликда айблаганди.