"Биз илгари тузилган келишувлар ва халқаро ҳуқуқнинг инкор қилиниши сабабли Исроил ва АҚШга Фаластин улар билан ҳеч қандай алоқа қилмаслиги тўғрисида мактуб жўнатдик", - деди Аббос.
Унинг сўзларига кўра, АҚШ Фаластин учун "энди дўст эмас".
"Мен танк сотиб олишни эмас, касалхона қуришни маъқул кўраман", - деди Фаластин раҳбари.
28 январда АҚШ президенти Дональд Трамп "аср келишуви" - Исроил ва Фаластин ўртасида тузиладиган келишув лойиҳасини эълон қилди.
Маҳмуд Аббос бу режани рад этди ҳамда “аср келишуви” тўғри келмайди ва халқимиз уни тарихнинг чиқинди саватчасига жўнатади”, деди.
