Ироқнинг янги бош вазири Британия фуқаролигидан воз кечиш учун ариза берди

Ироқ парламенти ўтган йил декабрида сайловлар тўғрисидаги янги қонунни қабул қилганди. Қонунга кўра, Ироқда мансабдорларга икки фуқароликка эга бўлиш тақиқланади.

Ироқ бош вазири вазифасини бажарувчи Тавфиқ Аллавий Буюк Британиянинг Бағдоддаги элчихонасига ўзининг Британия фуқаролигини бекор қилишларини сўраб ариза топширди.

"Мен Ироқ бош вазири лавозимига тайинланганим ва бошқа ҳар қандай давлат фуқаролигидан воз кечишим шартлиги боис менинг Буюк Британия фуқаролигимни бекор қилишингизни сўрайман", - дейилади Буюк Британиянинг Бағдоддаги элчиси Стивен Хикига топширилган аризада.

Ироқ парламенти ўтган йил декабрида сайловлар тўғрисидаги янги қонунни қабул қилганди. Қонунга кўра, Ироқда мансабдорларга икки фуқароликка эга бўлиш тақиқланади.

Аллавий 2006-2007 ва 2010-2012 йилларда алоқа вазири бўлган. Ироқ президенти Барҳам Солиҳ 1 февралда Аллавийга ҳукуматни шакллантириш топшириғини берганди.