Вадим Афонин «Локомотив»га ўтди

Фото: PFC Lokomotiv

Тошкентнинг «Локомотив» клуби Вадим Афонин трансферини эълон қилди.

20 февраль куни Россия Премьер-лигасининг «Оренбург» клубини тарк этган Вадим Афонин орадан 7 йил ўтиб, Ўзбекистонга қайтиб, «Локомотив» клуби билан шартнома имзолаган.

Фаолиятининг 2005 йилдан Тошкентнинг «Трактор» клуби сафида бошлаган Афонин ўтган йиллар давомида Россиянинг «Рубин», «Салют», «Анжи», «Оренбург» клубларида тўп сурган. Шунингдек, 2009-2012 йилларда «Шўртан» сафида ҳаракат қилганди.

Маълумот учун, 32 ёшли яримҳимоячи жорий мавсумда Россия чемпионатида жами 10та ўйинда майдонга тушганди. Иккинчи давра олдидан Оренбург клуби ҳамюртимиз билан хайрлашганлигини эълон қилганди.