Қўшимча функционаллар
-
Тунги кўриниш
Андижондаги коронавирус беморларнинг барчаси бир оила вакиллари экани маълум бўлди
Андижон вилоятида коронавирус ташхиси қўйилган беморлар бўйича қўшимча маълумот берилди.
Андижон вилояти Санитария-эпидемиологик осойишталик маркази Kun.uz’га хабар беришича, Андижонда коронавирус аниқланган беморларнинг барчаси бир оила вакилларидир.
«Уч нафар бемор бир оила вакилларидир. Андижон шаҳрида яшовчи эр-хотин ва уларнинг қизида коронавирус инфекцияси аниқланган. Улардан олинган таҳлил намуналари коронавирусга ижобий натижа берди», дейилади маълумотда.
Ҳозирча бу вилоятдаги коронавирусга чалиниш ҳолати қайси давлат билан боғлиқлиги маълум эмас.
Сўнгги маълумотларга кўра, Ўзбекистонда коронавирус инфекцияси билан касалланганлар сони 83 нафарни ташкил этмоқда. Шу вақтгача Тошкент шаҳри ва Тошкент вилоятларидан ташқари, Наманган ва Фарғона вилоятларида ҳам коронавирусга чалинганлар қайд этилган.
27 март куни Наманган шаҳрида коронавирусдан илк ўлим ҳолати қайд этилди. 12 март куни Туркиянинг Истанбул шаҳридан келган ва уй карантинига олинган аёлнинг 72 ёшли онаси коронавирус ташхиси қўйилганидан кейин миокарддан вафот этган. Ушбу оилада яна 3 киши вирусдан зарарланган.
Коронавирус Ўзбекистонда
Мавзуга оид
10:44 / 07.07.2026
Буви ва набиранинг фожиали ўлими: Андижондаги ЙТҲ қасддан одам ўлдириш дея малакаланиши керак
10:20 / 03.07.2026
Андижонда давлат захирасидаги ерни 160 минг долларга сотмоқчи бўлган фуқаро ушланди
10:00 / 01.07.2026
Андижонда дўпписи ичига 35 минг доллар яширган йўловчи ушланди
16:27 / 26.06.2026