Таъкидланишича, вазирликнинг ўзгартирилиши қарори бир қатор омилларга боғлиқ, хусусан иқтисодиётни бошқаришнинг аниқ ва шаффоф механизмини яратиш зарурати, эркинлаштириш ва бозор муносабаталарини кенг қабул қилиш шароитида натижаларга эътиборни қаратиш зарур. Мавжуд муаммоларни тезкор аниқлаш ва ҳал қилиш учун барча тегишли тузилмалар фаолиятида бирликни таъминлайдиган замонавий институционал тизимни шакллантириш талаб этилади.

Вазирлик ахборот хизмат тарқатган хабарга кўра, янги тузилманинг асосий вазифалари 10 асосий йўналишни қамраб олади:

  •  макроиқтисодий сиёсатни ишлаб чиқиш, мувофиқлаштириш ва амалга ошириш;
  •  қашшоқликни камайтириш;
  •  ҳудудларнинг ижтимоий-иқтисодий ривожланиши;
  •  тадбиркорликни ривожлантириш;
  •  устувор тармоқларни ривожлантириш ва ягона саноат сиёсатини юритиш;
  •  давлат иштирокидаги корхоналарни ўзгартириш;
  •  давлат инвестиция сиёсатини шакллантириш ва амалга ошириш;
  •  инфратузилмани ривожлантириш ва урбанизация сиёсатини амалга ошириш;
  •  ишбилармонлик муҳити ва мамлакатнинг халқаро рейтинглардаги мавқеини яхшилаш;
  •  жаҳон ҳамжамияти билан иқтисодий алоқаларни чуқурлаштириш.

Билдирилишича, кейинги ой давомида, вазирлик томонидан Маҳалла ва оилани қўллаб-қувватлаш вазирлиги ходимлари билан ҳамкорликда барча ватандошларнинг яшаш шароити ва ижтимоий ҳолатини ўрганишади. Шундан келиб чиққан ҳолда, улар аҳолининг ижтимоий заиф қатлами вакилларининг бошланғич рўйхатлари ва фуқаролар йиғинларининг паспортларини шакллантиришади. 

Жорий йилда вазирлик камбағалликни камайтириш чора-тадбирларини молиялаштириш учун 100 миллиард сўм ажратади. Ушбу мақсадлар учун зарур маблағлар кейинчалик бюджетда акс эттирилади.

Камбағал ва ишсизларни, айниқса аёллар ва ёшларни тадбиркорликка жалб қилиш, уларнинг меҳнат фаоллиги ва касбий тайёргарлигини ошириш бўйича ҳукумат қарори лойиҳасини тайёрлаш учун бир ой вақт берилди.

Икки ой ичида давлат захираларини бошқариш тизими ва нархларнинг кескин кўтарилишининг олдини олиш механизмларини тубдан такомиллаштириш тўғрисида Президент қарори лойиҳаси тақдим этилиши керак.

Шунигдек, 1 октабргача, вазирлик бошқа идоралар билан биргаликда муҳокама учун тўртта муҳим ҳужжатни тақдим этади: ижтимоий-иқтисодий ривожланиш концепцияси ва Ўзбекистон Республикасининг 2030 йилгача саноатни ривожлантириш стратегияси, қашшоқликни камайтириш дастури, шунингдек, давлат раҳбарининг энг кам истеъмол савати ва энг кам иш ҳақи миқдорини жорий этиш тўғрисидаги фармони лойиҳаси.