Нью-Йорк штатида коронавирусга чалинганлар сони Италия ва Испаниядагига яқинлашиб қолди

АҚШнинг Нью-Йорк штатида коронавирусга чалинганлар сони 100 мингдан ошиб, 102863 нафарга етди. Қурбонлар сони эса бир кун ичида 2373 нафардан 2935 нафаргача ортган.

Фото: Getty Images

Бу ҳақда штат губернатори Эндрю Куомо маълум қилди.

Айни вақтда штат АҚШда коронавирус эпидемияси маркази бўлиб қолмоқда. Штат касалланганлар сони бўйича бу борада дунёда 2- ва 3-ўринда турган Италия ва Испанияга яқинлашиб қолди. АҚШда умумий ҳисобда коронавирусга чалинганлар сони 266 мингдан кўпроқни ташкил қилмоқда.

Нью-Йорк штатида касалланганлар сони бир кун ичида 10482 кишига кўпайган. Штатда энг оғир вазият Нью-Йорк шаҳрида кузатилмоқда. Бу ерда касалланганлар сони бир кун ичида 5350 нафарга кўпайиб, умумий ҳисобда 57159 нафарга етган.

Тайёрлаган Шуҳрат Раҳимов

#АҚШ #Нью-Йорк #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.