Испанияда COVID-19 коронавируси юқтириб олган шифокорлар сони 31 мингдан ошиб кетди. Бу ҳақда мамлакат соғлиқни сақлаш вазирлиги маълум қилди.
Вазирликнинг билдиришича, эпидемия бошланганидан буён бугунги кунга қадар 31 053 нафар шифокорда ушбу касаллик аниқланган, 34 нафари вафот этган.
Мамлакатда 20 852 киши коронавирус натижасида вафот этган, касалликка чалиниш билан боғлиқ 200 мингдан ортиқ ҳолат аниқланган.
Испания ҳозирда вафот этганлар сони бўйича учинчи ўринда (АҚШ ва Италиядан кейин) ва коронавирусга чалинганлар сони бўйича иккинчи ўринда (АҚШдан кейин) турибди.
