Индонезия мудофаа вазирлиги миллий хавфсизликка таҳдид сабабли Zoom платформасидан иш мақсадларида фойдаланишни тақиқлади. Бу ҳақда вазирлик бош котиби вице-адмирал Агус Сетижига таяниб The Jakarta Post газетаси хабар берди.
"Вазирликнинг барча тизим ва бўлинмалари ушбу сервис орқали анжуманлар ўтказишни тўхтатиши шарт", - деб таъкидлаган у.
Вице-адмиралнинг сўзларига кўра, "Zoom орқали ўтказиладиган анжуманларни учинчи томон кузатиб туриши имконияти мавжуд".
Апрель бошларида АҚШ сенати конгресси ходимлари сенаторлардан хавфсизлик нуқтаи назаридан онлайн-мажлислар ва бошқа анжуманлар вақтида Zoom видеоконференциялар сервисидан фойдаланмасликни сўрашганди.
Шунингдек, Ўзбекистон Ахборотлаштириш ва телекоммуникациялар соҳасида назорат бўйича давлат инспекцияси Zoom иловасидан фойдаланишда эҳтиёт бўлишга чақирган.
