Режада саккизта йирик транспорт лойиҳаларини амалга ошириш тўғрисида асосий маълумотлар мавжуд, дея хабар берди агентлик матбуот хизмати.
Хусусан, Тошкент-Андижон пуллик йўли қурилиши ва фойдаланишга топширилиши лойиҳаси Транспорт вазирлиги ҳамда Жаҳон банки томонидан ўрганилмоқда. ДХШ асосида лойиҳанинг мақсадга мувофиқлиги асосида, 2021 йилнинг иккинчи чорагида тендер эълон қилиш ва 2022 йилнинг иккинчи чорагида тендер ғолибини аниқлаш режалаштирилган. Бундан ташқари, қурилишнинг тахминий муддати 24 ойни ташкил этади.
Яна бир лойиҳа - Тошкент-Самарқанд пуллик йўлини қуриш ва фойдаланишга топшириш Европа тикланиш ва тараққиёт банкининг кўмаги билан ишлаб чиқилмоқда
Лойиҳанинг дастлабки техник-иқтисодий асосларини тайёрлаш бўйича ишлар 2020 йил охирида якунланиши кутилмоқда. Тендер 2021 йил бошида бошланади ва июлда тугайди (қурилиш муддати 24 ой).
Режада авиация инфратузилмасини модернизация қилиш лойиҳалари ҳам бор.
Таъкидланишича, Жаҳон банки ДХШ механизми орқали Ўзбекистондаги минтақавий аэропортларни модернизация қилиш имкониятларини ўрганиб чиққан. Халқаро инфратузилма фонди (GIF) ушбу иш учун 350 минг доллар миқдорида грант ажратди. Аэропортларни қуриш ва модернизация қилиш бўйича пилот дастурига Андижон, Қашқадарё, Хоразм вилоятлари ва Қорақалпоғистон Республикаси аэропортлари киритилган.
2020 йил охиригача ўрганишни якунлаш ва таклифларни юбориш учун маслаҳатчиларни жалб қилиш режалаштирилган.
Бундан ташқари, Осиё тараққиёт банки (ОТБ) билан ҳамкорликда 2030 йилгача Ўзбекистонда йўлларни ривожлантириш стратегияси, Жаҳон банки билан ҳамкорликда транспорт секторининг бош режаси ишлаб чиқилмоқда.
