Чартер рейслари бекор қилингани йўқ, фақатгина парвозлар жадвали қисқартирилди – Транспорт вазирлиги

Транспорт вазирлигининг маълум қилишича, чартер рейслар бекор қилингани ҳақида ижтимоий тармоқларда тарқалган маълумотларни рад этди. Қайд этилишича, фақатгина охирги марта эълон қилинган икки ҳафталик парвозлар жадвали қисқартирилган.

«Амалга оширилаётган чартер рейслари бажарилиши мунтазамлигини таъминлаш, ушбу жараёнда учувчилар ва борт кузатувчиларининг хавфсизлигини таъминлаш, экипаж аъзоларини ҳар бир рейсдан сўнг кучайтирилган тартибда тиббий кўрикдан ўтказиш, эпидемиологик вазиятдан келиб чиққан ҳолда навбатдаги рейсга қадар ўз-ўзини изоляциялаш, шунингдек, хорижий давлатлар томонидан парвозларни амалга оширишга қўйилаётган вақтинчалик чеклов чораларидан келиб чиққан ҳолда сўнгги икки ҳафтага режалаштирилган чартер рейслари жадвали Республика махсус комиссияси томонидан қайта кўриб чиқилди», дейилади вазирликнинг расмий хабарида.

Қайд этилишича, 6–19-июль кунларига белгиланган парвозлар қуйидаги тартибда амалга оширилади:

6 июль. Сеул – Тошкент – Сеул (Asiana airlines)

6 июль. Тошкент – Москва – Тошкент (Uzbekistan Airways)

7 июль. Тошкент – Истанбул – Тошкент (Uzbekistan Airways)

8 июль. Тошкент – Сеул – Тошкент (Uzbekistan Airways)

8 июль. Минск – Тошкент – Минск (Belavia)

10 июль. Сеул – Тошкент – Сеул (Korean airlines)

12 июль. Санкт-Петербург – Тошкент – Санкт-Петербург (Rossia)

13 июль. Сеул – Тошкент – Сеул (Asiana airlines)

13 июль. Тошкент – Москва – Тошкент (Uzbekistan Airways)

15 июль. Москва – Тошкент – Москва (Ural airlines)

16 июль. Истанбул – Тошкент – Истанбул (Turkish airlines)

16–17-июль. Тошкент – Нью-Йорк – Тошкент (Uzbekistan Airways)

19 июль. Тошкент – Владивосток – Тошкент (Uzbekistan Airways)

Транспорт вазирлигининг маълум қилишича, эпидемиологик вазият яхшиланиши билан хорижий давлатлардаги мамлакатимиз фуқароларини Ўзбекистонга олиб келиш мақсадида талаб юқори бўлган йўналишларда рейслар сонини сезиларли даражада кўпайтириш чоралари кўрилади.