Қўшимча функционаллар
-
Тунги кўриниш
Марказий банк департаменти раҳбари Uzcard бош директори этиб тайинланди
Шу ой бошида таъсисчилари ўзгарган Uzcard'да бош директор ҳам алмашди – Аҳрор Маҳмудов ўрнида Дилшод Икромов иш бошлади.
Дилшод Икромов / Фото: Марказий банк
Икромов Дилшод Шуҳратович «Yagona umumrespublika protsessing markazi» МЧЖ бош директори этиб тайинланган. Корхона ва ташкилотларнинг ягона давлат реестрида МЧЖ ҳақидаги ўзгарган маълумотлар шундан дарак бермоқда.
Дилшод Икромов тайинловга қадар Марказий банкнинг ахборот технологиялари департаментини бошқариб келаётган эди.
Sport маълумотига кўра, у аввалроқ бошқа бир тўлов тизими – HUMO раҳбарининг ўринбосари сифатида фаолият юритган.
Бунга қадар Uzcard'га Аҳрор Маҳмудов раҳбарлик қилаётганди. У шу йил май ойига қадар МЧЖнинг 75 фоизлик, августга қадар эса 25 фоизлик улушига эгалик қилиб келган.
Аввалроқ компаниянинг 51 фоиз улушини Ташқи иқтисодий фаолият миллий банки сотиб олгани маълум бўлганди. Шунингдек, Саноатқурилишбанк ва Асака банк ЯУПМнинг 6 фоиздан улушини қўлга киритган. Мос равишда 25 ва 12 фоиз улушга эгалик қилаётган бир нафардан жисмоний ва юридик шахснинг исми очиқланмаган.
Мавзуга оид
17:48 / 29.11.2024
Қозоғистон Миллий Банки 2022 йилдан бери биринчи марта базавий ставкани оширди
21:51 / 27.10.2022
Кўзи кўр, қулоғи кар “Миллийбанк”. Самарқандда фуқаро емаган сомсага пул тўламоқда
15:27 / 20.08.2022
ИЭСлар ва Uzcard ҳам хусусийлаштирилади
15:25 / 30.03.2022