Қўшимча функционаллар
-
Тунги кўриниш
Олимлар мактаб ўқувчиларининг коронавирус юқтириш эҳтимолини баҳолашди
Буюк Британияда охирги суткада 14 мингдан ортиқ коронавирус юқтириш ҳолати қайд этилди.
Британия ҳукумати ҳузуридаги тиббиёт экспертлари бошланғич мактаб ўқувчиларининг коронавирус юқтириш эҳтимоли анча пастлиги ва болалар орқали вирус тарқалиши хавфи сезилар-сезилмас эканлигини билдиришди.
Буюк Британияда охирги суткада 14 мингдан ортиқ коронавирус юқтириш ҳолати қайд этилди. Ҳукумат иккинчи тўлқин ҳақида эълон қилди. Ҳолатларнинг аксарияти 17-27 ёшлилар ўртасида кузатилмоқда. Мамлакат ҳукумати карантин кучайтирилганида ҳам мактаблар ёпилмаслигини билдирди.
"Бошланғич мактаб ўқувчиларининг коронавирус юқтириш эҳтимоли чорак ёки ярим баравар кам ҳамда инфекция тарқатиш эҳтимоли бундан ҳам камлигига ишончимиз комил. Бошланғич мактаб ўқувчилари касаллик ўсишига таъсир кўрсатмаслиги янада кўпроқ исботланмоқда", - деди ҳукумат ҳузуридаги экспертлар гуруҳи аъзоси профессор Калум Семпл.
Унинг қайд этишича, ўрта мактаб ўқувчилари (12 ёшдан катталар)нинг касалликка чалиниши ва юқтириши эҳтимоли катта ёшлиларга нисбатан кам, аммо юқори синф ўқувчилари бўйича маълумотлар "унчалик барқарор эмас".
Олимлар шу сабабли Англияда олти кишидан ортиқ гуруҳ бўлиб тўпланишга нисбатан жорий этилган тақиқ - "олтилик қоидаси" болаларга қўлланилмаслиги керак деб ҳисоблашмоқда.
Мавзуга оид
10:06 / 16.02.2023
Ковиддан кейинги синдром бир неча ой ичида ўзини намоён қилиши мумкин — мутахассис
03:31 / 16.02.2023
Коронавируснинг келиб чиқиши бўйича ЖССТ суриштируви тўхтаб қолди
10:02 / 31.01.2023
ЖССТ пандемия тугаганини эълон қилишига айрим ҳудудлардаги вазият тўсқинлик қилмоқда
23:06 / 16.01.2023