Илҳом Маҳкамовга Ўзбекистон транспорт вазири вазифасини бажариш юклатилди. Бу ҳақда Адлия вазирлигининг “Ҳуқуқий ахборот” телеграм каналида хабар берилди.
Қайд этилишича, ҳукуматнинг 2020 йил 30 октябрь кунги 670-сон қарори билан Илҳом Рустамович Маҳкамовга Ўзбекистон транспорт вазири вазифасини бажариш юклатилган.
Илҳом Маҳкамов транспорт вазирининг биринчи ўринбосари сифатида ишлаб келаётганди.
Эслатиб ўтамиз, Ўзбекистон транспорт вазири лавозими жорий йилнинг август ойидан бери бўш турганди.
Жорий йилнинг 5 август куни президентнинг тегишли фармони имзоланган. Унда Элёр Ғаниев бошқа ишга ўтиши муносабати билан лавозимидан озод этилгани айтилган.
Элёр Ғаниев 2020 йилнинг февралида Очилбой Раматов ўрнига Транспорт вазири бўлганди.
