Ўзбекистонга Хитойдан 34 млн долларлик енгил автомобил шинаси олиб кирилди

Давлат статистика қўмитаси маълумотларига кўра, Ўзбекистон 2020 йилнинг дастлабки 9 ойида хориждан қиймати 50,6 млн долларга тенг бўлган 2,4 млн дона шина сотиб олган.

Фото: iStock

Қўмита хабарида айтилишича, бу кўрсаткич ўтган йилнинг шу даври билан солиштирилганда 320,2 минг донага ёки 8,6 млн долларга кам.

Ўзбекистонга енгил автомобил шинаси асосан Хитой давлатидан (34,4 млн доллар) олиб кирилган.

Ўтган 9 ой мобайнида Ўзбекистон енгил автомобил шинаси энг кўп импорт қилган давлатлар:

Хитой – 34,8 млн;
Чехия – 8,7 млн;
Корея Республикаси – 5,3 млн;
Россия Федерацияси – 1,0 млн;
Туркия – 0,5 млн доллар.

Жорий йилда енгил автомобил шинаси импорти асосан, Андижон вилояти (36,9 млн), Тошкент шаҳри (7,3 млн) ҳамда Самарқанд вилояти (4,4 млн доллар) ҳиссасига тўғри келган.

Тайёрлаган: Отабек Матназаров

#Хитой #статистика #шина