АҚШ конгрессига оралиқ сайловлардан кейин 4 ноябрга ўтар кечаси демократлар тарафдорлари учун эйфория, республикачиларни қўллаб-қувватловчилар учун эса хафалик онлари бўлди. Икки партия номзодлари штаблари ҳам сайлов натижаларини жонли равишда нишонлаш ва кузатиш учун бутун мамлакат бўйлаб олдиндан зиёфатлар ташкил этганди. Овоз бериш натижалари чиқа бошлагач, турли лагерлардаги кайфият турли томонга ўзгара бошлади. Якуний натижалар ҳали расман эълон қилинмади, аммо рейтинги тушиб кетган Доналд Трамп бошчилигидаги республикачилар сайловни ютқазгани, демократлар эса вакиллар палатаси устидан ҳам, АҚШ сенатида ҳам назоратни қўлга олгани аллақачон маълум. Қуйида сайлов тунида бутун Америка бўйлаб нималар рўй бергани акс этган суратлар.
Jon Cherry / Getty Images
Республикачилар тарафдорлари Колумбусдаги Renaissance Columbus Downtown меҳмонхонасида ташкил этилган оқшомда, 2026 йил 3 ноябр
Adam Gray / Getty Images
Республикачи Кен Пакстоннинг тарафдорлари Далласдаги The Westin Galleria меҳмонхонасида ташкил этган зиёфат. Техас бош прокурори Кен Пакстон сенаторликка номзодини қўйганди, аммо демократ Жеймс Таларикога ютқазди
Chip Somodevilla / Getty Images
Демократ Жеймс Талариконинг тарафдорлари Техасдан сенаторлик учун курашда Кен Пакстон устидан қозонилган ғалабани нишонламоқда. Фото Остиндаги Ижро санъати марказида олинган
Jon Cherry / Getty Images
Республиканчиларнинг Колумбусдаги Renaissance Columbus Downtown меҳмонхонасида уюштирилган зиёфатидан кадр. Оҳайо губернаторлиги учун сайловда Демократик партия номзоди Эми Эктон ғолиб чиқди. У ушбу лавозимга сайланган илк аёл киши бўлди. Штатдан сенатор учун сайловда ҳам демократ Шеррод Браун ғалаба қозонди
Katie McTiernan / Anadolu / Getty Images
Демократик партия вакили Жослин Бенсон Мичиган губернаторлиги учун сайловда қозонилган ғалабани нишонламоқда. Детройт, 2026 йил 4 ноябр
