Испанияда коронавирус юқтирганлар сони уч миллиондан ошди

Мамлакатда бир миллионинчи бемор 21 октябрда, икки миллионинчи бемор эса 7 январда қайд этилганди.

Фото: Getty Images

Пандемия бошланганидан буён Испанияда коронавирус юқтириш билан боғлиқ 3 млн 5487та ҳолат қайд этилди. Бу ҳақда Испания соғлиқни сақлаш вазирлигига таяниб Eldiario нашри хабар берди.

Хабарда айтилишича, сутка давомида 16402 нафар кишида коронавирус инфекцияси аниқланган.

Мамлакатда бир миллионинчи бемор 21 октябрда, икки миллионинчи бемор эса 7 январда қайд этилганди.

Соғлиқни сақлаш вазирлигининг билдиришича, 9 феврал куни пандемия бошланганидан буён энг кўп - 766та ўлим қайд этилган.

Шу кунгача касаллик сабабли вафот этганлар сони 63 мингдан ошган.

Тайёрлаган Дилшод Аскаров

#Испания #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.