Эрдўған Байден билан учрашувдан сўнг Туркиянинг С-400 бўйича позицияси ўзгармаганини айтди
Туркия президенти Анқара ва Вашингтон ўртасида ҳал қилиб бўлмайдиган муаммолар йўқ деб ҳисобламоқда.
Туркиянинг Россиядан сотиб олинган С-400 зенит-ракета тизимлари бўйича позицияси ўзгаришсиз қолди. Бу ҳақда Туркия президенти Ражаб Тоййиб Эрдўған АҚШ президенти Жо Байден билан бўлиб ўтган учрашув якунлари бўйича матбуот анжуманида маълум қилди.
«Албатта, С-400 масаласи кун тартибимизда бўлмаслиги мумкин эмасди. С-400 борасида аввалги фикримизни баён этдим. Шунингдек, мудофаа саноати бўйича биргаликда амалга оширишимиз мумкин бўлган ишлар ҳақида маълум қилдим», деган Туркия президенти.
Эрдўған Анқара ва Вашингтон ўртасида ҳал қилиб бўлмайдиган муаммолар йўқ деб ҳисобламоқда.
«Биз конструктив ва мазмунли музокара ўтказдик. Мулоқот каналларидан фаол фойдаланишга келишиб олдик. Бизнинг АҚШ билан ҳал қилиб бўлмайдиган муаммоларимиз йўқ деб ўйлайман», деди у.
Мавзуга оид
00:38
АҚШ Махфий хизмати «жиддий камчиликларга» эга — мустақил комиссия хулосаси
14:48 / 17.10.2024
Болаликда видеоўйин ўйнаганлар улғайганда кўпроқ даромад топади - тадқиқот
15:43 / 16.10.2024
АҚШ Исроилга ёрдамни қисқартириш билан таҳдид қилди
08:40 / 16.10.2024