Нукус—Ақтау—Нукус йўналишида мунтазам қатнов йўлга қўйилади

Uzbekistan Airways 21 июндан бошлаб Нукус—Ақтау—Нукус йўналиши бўйича мунтазам қатновларни йўлга қўяди. Бу ҳақда компания матбуот хизмати хабар бермоқда.

Мазкур йўналишда парвозлар ҳафтанинг душанба кунлари амалга оширилади.

Нукус—Ақтау йўналиши бўйича авиачипта нархи 1 093 000 сўмдан бошланади, Нукус—Ақтау—Нукус бўйича эса 1 869 000 сўмдан бошланади.

Шунингдек, Uzbekistan Airways Урганч—Ақтау—Урганч йўналишида ҳам ҳафтасига икки маротаба: душанба ва жума кунлари мунтазам қатновларни амалга оширмоқда.
Авиачипта нархлари 2021 йил 16 май ҳолатига кўрсатилган.

Эслатиб ўтамиз, 2021 йилнинг мартида Қозоғистоннинг SCAT авиакомпанияси Ақтау–Урганч–Ақтау йўналишида илк парвозини амалга оширганди. 9 июнь куни Самарқанд аэропорти биринчи марта Олмаотадан рейс қабул қилди.