21 сентябрь куни Ўзбекистон Республикаси Ташқи ишлар вазири Абдулазиз Комилов Буюк Британия мудофаа вазирининг парламентар ўринбосари, Қуролли кучлари давлат вазири, Жеймс Ҳиппини қабул қилди.
Вазирлик матбуот котибининг хабар беришича, учрашувда икки томонлама ҳамкорликка доир ва минтақавий долзарб масалалар муҳокама қилинган.
«Бирлашган Миллатлар Ташкилоти Афғонистондаги гуманитар инқирозни бартараф этиш бўйича халқаро саъй-ҳаракатларни мувофиқлаштириш учун масъулиятни ўз зиммасига олиши мумкин, деб ҳисоблаймиз», деган Ўзбекистон ташқи сиёсий идораси раҳбари Абдулазиз Комилов.
