Захарова Нуланд Россиянинг санкциялар рўйхатида бўлганини, бу эса унинг Россия чегарасини кесиб ўта олмаслигини англатганини эслатиб ўтган. Икки йил аввал Нуланд Москвадаги халқаро анжуманда иштирок этиш учун Россия визасини олишга уринганда унга рад жавоби берилган.
Таъкидланишича, АҚШ Нуланднинг Москвага келишига рухсат берилиши эвазига ўз санкциялар рўйхатидан Россия ташқи ишлар вазирлигининг қуролланишни назорат қилиш департаменти директори ўринбосари Константин Воронцовни “қора рўйхат”дан чиқарган.
Захарова икки томон ўз санкциялар рўйхатидан тенг сонда одамни чиқарганини маълум қилган.
Нуланд Россияга 11–13 октябр кунлари ташриф буюради. Унинг ташрифи АҚШ ташаббуси билан ўтади.
