Телефон будкалари ҳали ҳам керакми? Буюк Британияда уларни сақлаб қолишга қарор қилишди

Буюк Британия Ofcom телекоммуникация хизматларини мувофиқлаштирувчи BT компанияси мобил алоқа сигнали ёмон бўлган, бахтсиз ҳодисалар тез-тез содир бўладиган туманларда маҳаллий аҳоли будкалардан фойдаланса, уларнинг қарийб 5 мингтасини ёпишни тақиқлайди. Мувофиқлаштирувчи компания вазиятга аралашишни жоиз деб топди. Акс ҳолда ҳаётий муҳим жойларда ҳам будкалар йўқ қилиб юбориларди. Энди улар сақланиб қолиши учун қуйидагилар инобатга олинади:

• Будка бахтсиз ҳодисалар ва ўз жонига суиқасд қилиш ҳолатлари тез-тез содир бўладиган ерларда жойлашган;
• Сўнгги 12 ой ичида автоматдан камида 52та қўнғироқ амалга оширилган;
• Истисно ҳолатлар таксофон мавжуд эканлигини талаб этади;
• Бу жойда Буюк Британияда тўртта мобил операторидан ҳеч бўлмаганда биттасининг сигнали ҳам йўқ.

Мазкур технология гуллаб-яшнаган вақтда мамлакатда қарийб 92 мингта телефон будкаси бўлган. Бугун катта ёшдаги аҳолининг 96 фоизи мобил телефонга эга. Таксофонларга эса зарурият йўқ.

Умуман олганда, барча будкалар бекорга турганди, деб бўлмайди. Олти мингга яқин қизил уйчалар (уларнинг дизайни 1935 йилда машҳур архитектор жаноб Жайлс Гилберт Скотт томонидан ишланган) маҳаллий ҳукумат томонидан китоблар алмашиш пункти сифатида мослаштирилган.

Ҳозирда вазифасига кўра фойдаланилмаётган будкалар муниципалитетларга бир фунт стерлингга сотиб олиш ва ўз мақсадига кўра фойдаланиш учун таклиф этилади.

Бирлашган Қиролликда ҳали ҳам 21 мингта телефон будкалари ишлаяпти. Айрим сабабларга кўра мобил телефонлардан фойдалана олмайдиган ёки фойдаланишни истмайдиганлар учун, ёки сигнал қабул қилиш ёмон бўлган туманларда дўстлар ва яқинлар билан алоқа қилишнинг ягона воситаси бўлиб қолмоқда.

Яна бир муҳим жиҳати – ёрдам ва қутқарув хизматларидан бирига қўнғироқ қилиш имконини беради. 2020 йилда бундай линияларга қарийб 150 мингта қўнғироқ амалга оширилган.