Фарғона вилояти Фарғона туманида 17 ноябрдан 18 ноябрга ўтар кечаси ота ва ўғил ис газидан заҳарланиб вафот этди. Бу ҳақда вилоят Ички ишлар бошқармаси ахборот хизмати маълум қилди.
Қайд этилишича, 17 ноябрь кунидан 18 ноябрь кунига ўтар кечаси Фарғона тумани, “Гулшан” МФЙ, Само кўчасидаги хонадонлардан бирида истиқомат қилувчи 62 ёшли Х.А (эркак) ва бирга яшовчи 31 ёшли ўғли Х.Б яшаш хонадонида ис газидан заҳарланиш натижасида ҳодиса жойида вафот этган.
Ҳолат юзасидан тергов гуруҳи томонидан ҳодиса жойида суриштирув ишлари олиб борилмоқда.
