Тошкент шаҳар Ободонлаштириш бош бошқармасида раҳбар ўзгарди

Тошкент шаҳар Ободонлаштириш бош бошқармаси бошлиғи ўзгарди. Бу ҳақда пойтахт ҳокимлиги хабар бермоқда.

Фото: Тошкент шаҳар ҳокимлиги

Қайд этилишича, Ободонлаштириш бош бошқармаси раҳбари Санжар Уматов ўз хоҳишига кўра вазифасидан озод этилган. Унинг ўрнига Анвар Умаров тайинланган.

Анвар Умаров 1963 йилда туғилган, Тошкент ахборот технологиялари университетини тамомлаган.

У фаолиятини ушбу олий ўқув юртида кичик илмий ходим сифатида бошлаб, кейинчалик халқ хўжалиги ва давлат ҳокимияти идораларида масъул вазифаларда ишлаган.

Анвар Умаров шу вақтга қадар Тошкент шаҳар ҳокимининг ёрдамчиси вазифасида фаолият кўрсатган.