Чеченистон муфтийси Бухорога келди

1 декабрь куни Чеченистон Республикаси муфтийси ва давлат раҳбари маслаҳатчиси Салоҳ ҳожи Межиев Бухоро вилоятига ташриф буюрди. Бу ҳақда Мусулмонлар идораси матбуот хизмати хабар берди.

Маълум қилинишича, делегация таркибида Чеченистон раҳбари Рамзан Қодировнинг тўнғич қизи, Маданият вазири Айшат Қодирова ҳам келган.

Меҳмонларни Ўзбекистон мусулмонлари идораси раисининг биринчи ўринбосари Ҳомиджон Ишматбеков ва Бухоро вилоят бош имом-хатиби Жобир Элов кутиб олиб, ҳамроҳлик қилмоқда.

Дастлаб Баҳоуддин Нақшбанд мажмуасини зиёрат қилган чеченистонлик меҳмонлар Ўзбекистондаги бошқа зиёратгоҳларга ҳам бориши кутилмоқда.