Навбатни унутинг! E-RIB.UZ - Автомобилни ЙҲХБда рўйхатга олишда ариза ва тўловлар учун онлайн ечим

Юртимизда ҳар соҳада инновация муҳити яратилиб, фуқаролар учун кўпгина давлат хизматлари онлайн форматга ўтказилмоқда. Бу эса фуқароларга анчагина қулайликлар яратмоқда.

Фото: E-RIB.UZ

Автотранспорт воситаларининг сони кундан кунга ошиши, фуқаролардан ҳудудий ЙҲХБ РЎ ва ИОБ (ТРЎ ва ИОБ) бўлинмаларида ариза ёздириш ва тўловлар учун кассада кутиш ҳолатлари кўпайишига ва баъзан бу навбатлар соатларгача чўзилишигача олиб келмоқда.

Ушбу муаммоларни бартараф этиш мақсадида E-RIB.UZ платформаси ишлаб чиқилди. Тизим фуқароларга қуйидаги қулайликларни яратади:

Аризаларни ўзи мустақил исталган жойда, исталган қурилма (компьютер, ноутбук ёки телефон) ёрдамида ёзиш;
Тўловларни Uzcard ёки Humo банк карталари ёрдамида платформанинг ўзидан онлайн тўлаш;
Техник кўрик марказлари манзиллари ҳақида маълумот олиш;
Автотранспорт воситасини рўйхатга олиш бўйича ҳуқуқий маслаҳатлар олиш

Бундан ташқари дастур томонидан ёрдам хизмати гуруҳлари ташкил этилган бўлиб, ушбу гуруҳлар ёрдамида фуқаро автотранспорт воситасини рўйхатлаш ва қайта рўйхатлашга оид барча саволларига E-RIB.UZ мутахассисларидан жавоб олади. Бунга қадар фуқаролар автотранспорт воситаларини рўйхатга олишда ҳар бир савол ёки ҳуқуқий ёрдам учун ЙҲХБ бўлинмасига бориб, инспекторга мурожаат этиши керак эди. Шундан ҳам кўриниб турибдики, дастур фақатгина инновацион ечим бўлиши билан бир қаторда, ҳуқуқий кўмакчи ҳамдир! Табиийки фуқаролар бундан жудаям хурсанд. E-RIB.UZ хизматидан фойдаланган фуқаро, бошқаларга ҳам ушбу дастурдан фойдаланишни тавсия этмоқда.

Дастур орқали жисмоний ва юридик шахслар қуйидаги хизматлардан фойдаланишлари мумкин:

Янги автотранспорт воситасини рўйхатга олиш
“Техпаспорт” алмаштириш
Олди-сотди бўлган автотранспорт воситасини рўйхатга олиш
Ҳадя ёки мерос бўлган автотранспорт воситасини рўйхатга олиш
Аукцион асосида олинган автотранспорт воситасини рўйхатга олиш
ва бошқа турдаги рўйхатлаш хизматлари

Дастур қаерларда ишламоқда?

Ҳозирги пайтда Тошкент шаҳри ва Тошкент вилоятида фуқаролар ҳужжатларини ва тўловларини E-RIB.UZ ёрдамида тўлиқ онлайн тарзда амалга оширишлари мумкин. Фуқаролар томонидан жўнатилаётган аризалар ЙҲХБ инспекторлари томонидан кўриб чиқилиб, якуний хулосалар СМС тарзда жўнатилмоқда.

Фойдаланиш бўйича йўриқнома:

Эслатма: E-RIB.UZ сизга ЙҲХБда навбатсиз ҳужжат топшириш ва автотранспорт воситасини ЙҲХБ бўлинмасига бормасдан рўйхатга қўйиш имконини бермайди. Сўнгги босқичда ЙҲХБ бўлинмасида автотранспорт воситаси кузов, шасси ва двигател рақамлари мувофиқлиги текширтирилади. Шундан сўнг онлайн тарзда расмийлаштирилган ариза, квитанциялар ва техпаспорт (РўДРБ) топширилиб, янги давлат рақам белгиси ва қайд этиш гувоҳномаси олинади.

Рўйхатдан ўтиш: e-rib.uz

Муҳокама гуруҳи: @e_rib_uz

Тошкент шаҳри гуруҳи: @e_rib_tashkent