Бир бак ёқилғи ва тўлиқ қувватланган аккумулятор билан Тошкентдан Хивагача етиб бориш мумкинми?Ҳа, мумкин!
Geely EX5 EM-i эса бундан ҳам узоқроқ масофани босиб ўтишга қодир эканини амалда исботлади.
Geely Auto Uzbekistan Буюк Ипак йўлининг тарихий шаҳарлари бўйлаб халқаро “3L Challenge” синовини муваффақиятли якунлади. EX5 EM-i супер гибрид кроссовери ҳақиқий йўл шароитларида ўртача 3,8 л/100 км ёқилғи сарфини қайд этди.
Ўзбекистон йўлларида ўтказилган синов давомида Geely EX5 EM-i супер гибрид кроссовери қўшимча ёқилғисиз ва аккумуляторни қайта қувватлашсиз 1 205 километр масофани босиб ўтди. Автомобилнинг борт компютери маълумотларига кўра, ўртача ёқилғи сарфи 100 километрга атиги 3,8 литрни ташкил этди. Энг эътиборлиси, 1205 км дан кейин, бензин тугаган вақтда ҳам аккумуляторда 23 фоиз қувват сақланиб қолган эди.
Ушбу натижа Geely компаниясининг халкаро “3L Challenge” лойиҳаси доирасида қайд этилди. Мазкур лойиҳа EM-i Super Gibrid технологиясининг тежамкорлиги ва узоқ масофаларга ҳаракатланиш имкониятларини турли мамлакатларнинг ҳақиқий йўл шароитларида синовдан ўтказишга қаратилган.
Кроссовер дастлаб Самарқанд шаҳри орқали Навоийга, сўнг Бухорога йўл олди. Бухорода жамоа Geely расмий дилерлик марказига ташриф буюрди. Кейинги йўналиш эса чўл ҳудудларидан ўтувчи узун автомобиль йўллари орқали Урганч шаҳрига давом этди. Бу ерда ҳам расмий Geely дилерлик марказига ташриф буюрилгач, автомобиль сафарнинг асосий манзили — тарихий Хива шаҳрига етиб борди.
Фото: Geely
Хивага етиб келганида EX5 EM-i аллақачон 1 055 километр масофани бирор марта ёқилғи құймасдан ва аккумуляторини қайта қувватламасдан босиб ўтган эди.
Бироқ синов шу билан якунланмади.
Автомобилда ҳали энергия заҳираси мавжуд бўлгани сабабли ҳайдовчилар унинг имкониятларини янада чуқурроқ синаб кўришга қарор қилишди. Улар одатий ҳайдаш шароитларини сақлаган ҳолда ҳаракатни давом эттиришди.
Натижада автомобиль 1 205 километр масофани босиб ўтгач, бакдаги бензин тугади. Шунга қарамай, аккумуляторда 23 фоиз қувват сақланиб қолди. Бу эса автомобиль электр энергияси ҳисобига ҳаракатни давом эттириш имкониятига эга эканини кўрсатди.
Мавзуга оид
Шундай қилиб, EX5 EM-i нафақат Тошкентдан Хивагача бўлган масофани бир бак ёқилғи ва бир марта тўлиқ қувватланиш билан босиб ўтди, балки белгиланган манзилдан кейин яна 150 километр йўл юрди ва яна юриш қувватини сақлаб қолди.
Фото: Geely
Лабораторияда эмас, ҳақиқий йўл шароитларида
Ушбу синовнинг энг муҳим жиҳати — натижаларнинг Ўзбекистоннинг ҳақиқий йўл шароитларида қайд этилганидир.
Сафарда икки нафар автомобиль блогери иштирок этиб, улар бутун йўл давомида навбатма-навбат автомобилни бошқаришди ва унинг имкониятларини кузатиб боришди.
Фото: Geely
Йўналиш давомида автомобиль шаҳар кўчаларидан, светофорлар ва тирбандликлардан, шаҳарлараро автомобиль йўлларидан ҳамда узун магистраллардан ҳаракатланди.
Синов давомида ўртача тезлик 58 км/соатни ташкил этди. Бу кўрсаткич шаҳар ичидаги ҳаракат, тирбандликлар, светофорлар ва магистрал йўллардаги тезликларни ўз ичига олади.
Синовдан кўзланган асосий мақсад фақат энг паст ёқилғи сарфига эришиш эмас, балки автомобилнинг кундалик ҳаётда, одатий узоқ масофали сафарларда қандай натижа кўрсатишини аниқлаш эди.
Иштирокчилар сафар давомида EX5 EM-i’нинг қулайлиги ва замонавий ҳайдовчига кўмаклашувчи функцияларини ҳам синовдан ўтказишди.
Хусусан, Бухородан Урганчга олиб борувчи чўл йўлларида адаптив круиз-назорат тизими айниқса фойдали бўлди. Ушбу тизим белгиланган тезликни сақлашга ва олдиндаги транспорт воситасига нисбатан масофани автоматик бошқаришга ёрдам бериб, узоқ сафарда ҳайдовчининг юкламасини камайтирди.
Фото: Geely
Турли йўл шароитлари, шаҳар тирбандликлари ва узоқ магистрал йўлларга қарамай, автомобиль борт компютерида ўртача ёқилғи сарфи 3,8 л/100 км сифатида қайд этилди.
Бу натижа Ўзбекистонда шаҳарлар ўртасида тез-тез саёҳат қилувчи ҳайдовчилар учун супер гибрид технологиясининг амалий афзалликларини намойиш этди.
Geely EX5 EM-i тежамкорлигининг сири нимада?
EX5 EM-i’нинг юқори самарадорлиги Geely томонидан ишлаб чиқилган EM-i Super Gibrid технологияси билан боғлиқ. Ушбу тизим бензин двигатели, электромотор, замонавий аккумулятор ва интеллектуал энергия бошқаруви тизимини бирлаштиради.
Оддий бензинли автомобиллардан фарқли равишда, EX5 EM-i электр энергиясидан самарали фойдаланиш ва ички ёнув двигателини имкон қадар тежамкор иш режимида ишлатишга мўлжалланган.
Бунда учта асосий технология муҳим ўрин тутади:
* Фойдали иш коэффициенти 46,5 фоизга етадиган гибрид двигатель
EX5 EM-i махсус ишлаб чиқилган 1,5 литрли бензин двигатели билан жиҳозланган. Geely техник маълумотларига кўра, унинг максимал иссиқлик самарадорлиги 46,5 фоизга етади. Оддий қилиб айтганда, бу кўрсаткич ёқилғидаги энергиянинг қанчалик самарали равишда фойдали механик энергияга айлантирилишини билдиради.
Самарадорлик қанча юқори бўлса, энергиянинг иссиқлик сифатида йўқотилиши шунча камаяди. Натижада автомобиль ёқилғидан унумлироқ фойдаланади ва узоқ масофаларда ҳам тежамкор ҳаракатлана олади.
* 11 та компонентни бирлаштирган E-DHT электр узатма тизими
Geely'нинг инновацион “11-in-1 E-DHT” тизими 11 та муҳим компонентни ягона ихчам қурилмага бирлаштиради. Geely маълумотларига кўра, ушбу ечим электр узатма тизими оғирлигини таққослаш учун олинган анъанавий конструкцияга нисбатан 13,5 фоизга камайтириш ва энергия узатилишидаги йўқотишларни қисқартириш имконини беради. Бундай технология автомобилнинг умумий самарадорлигини ошириш билан бирга, равон ҳаракатланиш ва тезланиш хусусиятларини ҳам яхшилайди.
* Интеллектуал энергия бошқаруви ва замонавий аккумулятор технологияси
EX5 EM-i ҳаракат шароитларига қараб бензин ва электр энергиясидан фойдаланишни автоматик равишда мувофиқлаштиради. Шаҳар ичида паст тезликда ҳаракатланганда автомобиль фақат электр энергиясидан фойдаланиши мумкин. Қўшимча энергия талаб этилганда бензин двигатели ишга тушади. Кучли тезланиш ёки қувиб ўтиш вақтида эса электромотор ва двигатель биргаликда ишлаши мумкин.
Бундан ташқари, регенератив тормозланиш технологияси секинлашиш ва тормозланиш жараёнида ҳосил бўладиган энергиянинг бир қисмини қайта электр энергиясига айлантириб, аккумуляторда сақлаш имконини беради.
Ушбу технологияларнинг биргаликдаги ишлаши EX5 EM-i’га қувват, ҳаракатланиш масофаси ва ёқилғи тежамкорлиги ўртасида самарали мувозанатни таъминлашга ёрдам беради.
Австралиядан Ўзбекистонгача: халқаро самарадорлик синови
Ўзбекистондаги муваффақиятли синов Geely EM-i Super Gibrid технологиясининг имкониятларини дунё бўйлаб намойиш этишга қаратилган кенг кўламли халқаро ташаббуснинг бир қисмидир.
Ушбу технология халқаро миқёсда ҳам эътироф этилган.
Австралияда бир қатор бозорларда Geely STARRAY EM-i номи билан сотиладиган EX5 EM-i кроссовери “Sydney–Melbourne Coastal Drive” йўналишида плагин-гибрид SUV автомобиллари орасида ёқилғи тежамкорлиги бўйича GUINNESS WORLD RECORDS™ рекордини ўрнатган.
Guinness World Records расмий вакиллари назорати остида ўтказилган синовда автомобиль 1 056 километр масофани босиб ўтиб, 100 километрга 3,83 литр ёқилғи сарфини қайд этган.
Geely'нинг халқаро самарадорлик синовлари Бразилия ва Вьетнам каби мамлакатларда ҳам ўтказилиб, EM-i Super Gibrid технологиясининг турли иқлим ва йўл шароитларидаги имкониятлари намаойиш этилган.
Энди ушбу халқаро ташаббусга Ўзбекистон ҳам қўшилди.
Маҳаллий синов учун Самарқанд, Бухоро ва Хива каби Буюк Ипак йўлининг тарихий шаҳарларини боғловчи йўналиш танланди. Бу сафар нафақат автомобилнинг техник имкониятларини синовдан ўтказиш, балки Ўзбекистоннинг турли ҳудудларидаги ҳақиқий йўл шароитларида супер гибрид технологиясининг амалий самарадорлигини кўрсатиш имконини берди.
Синов якуни: 1 205 км, 3,8 л/100 км ва 23% қолган қувват
Ўзбекистонда ўтказилган “3L Challenge” қуйидаги натижалар билан якунланди:
* Умумий босиб ўтилган масофа: 1 205 км
* Тошкентдан Хивагача бўлган масофа: 1 055 км
* Ўртача ёқилғи сарфи: 3,8 л/100 км
* Ўртача ҳаракатланиш тезлиги: 58 км/соат
* Бошланғич энергия заҳираси: 50 литрли тўлиқ ёқилғи баки ва 100% қувватланган аккумулятор
* Йўл давомида қўшимча ёқилғи қуйиш ёки қувватлаш: амалга оширилмади
* Синов якунида қолган аккумулятор қуввати: 23%
* Ҳайдовчилар: навбатма-навбат автомобилни бошқарган икки нафар автомобиль блогери
Фото: Geely
Ушбу натижалар EX5 EM-i’нинг узоқ масофаларни босиб ўтиш билан бирга, Ўзбекистоннинг одатий йўл шароитларида ҳам юқори ёқилғи тежамкорлигини таъминлай олишини кўрсатди.
Синов, шунингдек, плагин-гибрид технологиясининг асосий афзалликларидан бирини — электр энергиясининг тежамкорлиги ва бензин двигатели таъминлайдиган узоқ масофага ҳаракатланиш имкониятини бир автомобилда мужассамлаштириш мумкинлигини намойиш этди.
Тошкентдан Хивагача ва ундан яна 150 километр узоқроққа — Geely EX5 EM-i узоқ масофаларга саёҳат қилиш ва ёқилғини тежаш бир-бирига зид эмаслигини амалда исботлади.
Geely Auto Uzbekistan ҳақида
Geely Auto Uzbekistan — Geely Auto брендининг Ўзбекистондаги расмий вакили. Компания мамлакат бозорида бензинли, электр ва плагин-гибрид автомобилларни, жумладан, Monjaro, EX5 EV, EX5 EM-i, Emgrand ва EX2 моделларини тақдим этади.
Мижозлар Ўзбекистон бўйлаб фаолият юритаётган 10 та расмий Geely дилерлик марказида автомобиллар билан яқиндан танишишлари, тест-драйвдан ўтишлари ҳамда харид шартлари, кафолат ва сервис хизматлари ҳақида маълумот олишлари мумкин.
Изоҳ: Ўзбекистондаги синов натижалари автомобилнинг борт компьютери кўрсаткичлари ва синов иштирокчиларининг кузатувларига асосланган. Амалдаги ёқилғи сарфи ва ҳаракатланиш масофаси йўл шароитлари, ҳайдаш услуби, ҳаво ҳарорати, тирбандликлар, автомобиль юкламаси ва бошқа омилларга қараб фарқ қилиши мумкин.
