Қўшимча функционаллар
-
Тунги кўриниш
Роттердамдаги 140 йиллик кўприк Жефф Безоснинг яхтаси ўтиши учун қисман бузилади
Яхтани қурган голланд компанияси лойиҳалаш вақтида кўприкнинг ўлчамларини ҳисобга олмаган. Натижада яхта Конингсхэвен кўпригидан баландроқ бўлиб қолган.
Роттердам шаҳри ҳокимияти миллиардер Жефф Безоснинг янги яхтаси дарёдан ўтиши учун Конингсхэвен кўпригини қисман бузишга қарор қилди. Бу ҳақда MarketWatch нашри ёзмоқда.
1878 йилда қурилган бу кўприк 1940 йилдаги бомбардимонлар чоғида вайрон бўлганди. У 2017 йилда дастлабки кўринишида тикланган.
Аммо эндиликда Безоснинг баландлиги 40 метрли яхтаси ўтиши учун кўприкни қисман бузишга тўғри келади. Яхтани қурган голланд компанияси лойиҳалаш вақтида кўприкнинг ўлчамларини ҳисобга олмаган. Натижада яхта Конингсхэвен кўпригидан баландроқ бўлиб қолган ва уни олиб чиқиш учун бир нечта ечим таклиф қилинган.
Биринчи таклифга кўра, яхтани чала битказиб, уни бошқа жойга олиб ўтиш ва қуриш мўлжалланган. Иккинчи йўл эса тайёр яхтани олиб ўтиш учун кўприкни қисман бузиш таклифидир.
Безос Роттердам шаҳри ҳокимиятига мазкур ишлар учун кетадиган барча харажатларни қоплашини билдирган.
Мавзуга оид
16:09 / 11.11.2025
АҚШда “Ню Гленн” ракетаcининг биринчи тижорат парвози қолдирилди
18:39 / 02.07.2025
Amazon раҳбари компаниянинг 737 млн долларлик акцияларини сотди
18:40 / 05.02.2025
Жефф Безос Трампнинг ғазабини келтирмаслик учун иқлим бўйича ташкилотни молиялаштиришни тўхтатди
17:19 / 16.01.2025