ОАВ: Германия Усмоновнинг яхтасини хатловга олди
Алишер Усмонов “Dilbar”ни 2016 йилда Lurssen кемасозлик компаниясидан 600 млн долларга сотиб олган.
Германия ҳукумати россиялик миллиардер Алишер Усмоновнинг “Dilbar” номли яхтасини хатлаб қўйди. Нархи 600 млн долларга тенг бўлган яхта Ҳамбургдаги Blohm+Voss кемасозлик фирмасида қайта жиҳозлаш учун турганди, деб ёзади Forbes.
Нашр манбаларининг маълумот беришича, “Dilbar” Евроиттифоқ Алишер Усмоновга нисбатан санкциялар жорий этганидан икки кун ўтиб хатловга олинган.
Яхта ўтган йил октябридан буён Ҳамбургдаги верфда эди.
Алишер Усмонов “Dilbar”ни 2016 йилда Lurssen кемасозлик компаниясидан 600 млн долларга сотиб олган. Яхта 52 ой давомида қуриб битказилган.
Маълумот берилишича, “Dilbar” 15 917 тонна сув сиғими билан дунёдаги энг катта моторли яхта ҳисобланади. Унда улкан бассейн, иккита вертолёт майдончаси, сауна, гўзаллик салони ва спорт зали бор. Яхтанинг 12та люкс хонасига 24 киши жойлашиши мумкин.
Мавзуга оид
21:22 / 01.10.2024
Алишер Усмонов Германия судида яна бир бор ютиб чиқди
20:26 / 27.09.2024
Украина суди Алишер Усмоновнинг қарийб 50 миллион доллар активларини мусодара қилди
22:30 / 22.08.2024
Алишер Усмонов россияликларга нисбатан жорий қилинган санкциялар тескари самара берганини айтди
21:55 / 19.08.2024