Тошкентдан Москва ва Санкт-Петербургга қўшимча авиақатновлар йўлга қўйилди

Тошкентдан Москва ва Санкт-Петербург шаҳарларига қўшимча авиақатновлар амалга оширилади. Бу ҳақда Uzbekistan Airways маълум қилди.

Фото: Kun.uz

Йўловчилар орасида талаб ортиши муносабати билан Uzbekistan Airways АЖ Тошкент – Москва – Тошкент ва Тошкент – Санкт-Петербург – Тошкент йўналишлари бўйича қўшимча авиақатновларни йўлга қўймоқда.

Авиакомпания хабарига кўра, Тошкент – Москва – Тошкент йўналиши бўйича қўшимча авиақатновлар 9 мартдан 14 мартгача, Тошкент – Санкт-Петербург – Тошкент йўналиши бўйича эса 2022 йилнинг 11, 13 ва 14 март кунлари амалга оширилади.

Бундан олдин, Тошкентдан Екатеринбургга ва Новосибирскка қўшимча авиақатновлар йўлга қўйилаётгани хабар қилинганди.

#Москва #Санкт-Петербург #авиақатнов