Қўшимча функционаллар
-
Тунги кўриниш
Россиялик инвесторларнинг юанга қизиқиши ошди
Илгари Москва биржасида бир кунда юан билан боғлиқ бир нечта келишув амалга оширилган бўлса, 9 март куни қарийб 53 мингта келишув тузилган.
Фото: China Daily via REUTERS
Россияга нисбатан киритилган санкциялар ва мамлакат марказий банкининг жавоб чоралари россиялик инвесторларнинг юан билан савдо қилишга қизиқишини оширди, деб хабар берди «Коммерсантъ».
Москва биржасининг 9 март кунги савдо якунларига кўра, юан курси 21,4 рублни ташкил этди – бу бир кун аввалги савдоларга нисбатан 7 фоизга ортиқ.
Асосий валюталар (доллар ва евро) айланмасида юаннинг улуши 7,5 фоизга ўсиб, февралдагидан ўнлаб марта юқори бўлди.
Қайд этилишича, илгари биржада бир кунда юан билан боғлиқ бир нечта келишув амалга оширилган бўлса, 9 март куни қарийб 53 мингта келишув тузилган.
«Откритие Инвестиции» глобал тадқиқотлар бўлими раҳбари Михаил Шулгиннинг сўзларига кўра, россияликларнинг доллар ва евро билан эркин ишлаш имконияти чеклангани сабабли юанга қизиқиш ўсмоқда.
Бундан ташқари, Россия банклари юанда ҳисобрақамлар очиш ва UnionPay карталарини бериш имкониятини ўрганмоқда.
Мавзуга оид
01:16
АҚШ ракеталари ёрдамида йўлланган биринчи зарбалардан кейин Россия акциялари 2 млрд долларга қулади
23:54 / 19.11.2024
Чехия юзлаб мактаблардаги портлаш таҳдидларида россиялик жосусларни айблади
22:07 / 19.11.2024
АҚШ Россия ядро сиёсатининг ўзгариши муносабати билан ўз ядро доктринасини ўзгартирмайди
20:58 / 19.11.2024