Қўшимча функционаллар
-
Тунги кўриниш
Андижонлик пахтақанд сотувчи. У велосипедда кунига 70 км йўл юради
Андижон вилояти Шаҳрихон туманидаги Аҳмадбек қишлоғида мурожаат ўрганаётган эдик. Шу пайт эски велосипедини ғичирлатиб ширинлик сотувчи келиб қолди. Маҳалла болалари велосипед сигналини эшитиб уйларидан пахтақанд сотиб олгани чиқа бошлашди.
Сотувчи асакалик 65 ёшли Рўзимуҳаммад Тиллаев кунига велосипедда 70 км йўл юриб, пахтақанд сотар экан.
«Кунига атрофдаги қишлоқларни кезиб 60 дона қанд сотаман. Оилада 6 киши яшаймиз, рўзғор қилиш керак. Хотиним, келиним ва набираларим кечқурун ширинлик тайёрлаб қўйишади. Харажатлардан ташқари кунига 50 минг сўм фойда қолади. Бир куни айланиб юргандим, кичкина қизалоқ 100 доллар олиб чиқди. Унга ширинликни бепул бериб, қўшни аёлни чақирдим-да, пулни бердим. Бировнинг ҳақи ҳаром, меҳнат қилиш керак», дейди Рўзимуҳаммад ака.
Ширинлик сотувчи қаҳрамонимиз яна иккита маҳаллани айланишини айтиб, биз билан хайрлашди...
Элмурод Эрматов, Азизбек Исмоилов
Мавзуга оид
20:28 / 03.12.2025
Бу «ҳайфсан» билан битадиган иш эмас: Шаҳрихонда бузиб ташланган тандирлар бадалини ким тўлайди?
18:36 / 03.12.2025
“Экологик” рейдлар: Андижонда сомса ёпиладиган тандирлар бузиб ташланди
09:36 / 28.11.2025
Андижонда профилактика инспектори машинасида уриб кетганлардан бири шифохонада вафот этди
10:21 / 24.06.2025