Ўзбекистоннинг Австриядаги элчиси ўриндошлик асосида Венгриядаги элчи лавозимига тайинланди

Ўзбекистоннинг Венгриядаги фавқулодда ва мухтор элчиси тайинланди. Бу ҳақда “Нигоҳ” канали хабар бермоқда.

Фото: t.me/nigoh_01

Қайд этилишича, Ўзбекистоннинг Австриядаги фавқулодда ва мухтор элчиси Абат Файзуллаев ўриндошлик асосида Ўзбекистоннинг Венгриядаги фавқулодда ва мухтор элчиси лавозимида иш бошлади.

Абат Файзуллаев бир вақтнинг ўзида икки дипломатик миссияни бошқаради: Австрия ва Венгриядаги.

Дипломат амалдаги лавозимни 2020 йил июлидан бери эгаллаб келмоқда. Бунгача у вазир ёрдамчиси – Ташқи ишлар вазирлиги Ташкилий-назорат бошқармаси бошлиғи лавозимида ишлаб келган.