Шолц Германия Россиядан газ етказиш тўхтатилишига тайёрлигини айтди

Германия ва Европа Россиядан газ етказиш тўлиқ тўхтатилишига тайёр, деди ФРГ канцлери Олаф Шолц.

Унинг айтишича, Германия шимолида суюлтирилган газ импорти учун терминаллар ўрнатилди. 

Шолц мамлакат Россия газ етказиб беришни сезиларли даражада тўхтатишига тайёрланганини айтди.

«Биз газни тежадик. Кўмир электр станциялари имкониятларидан яна фойдаланамиз. Келаси йил бошида зарур бўлса атом электр станцияларидан фойдаланиш имконияти пайдо бўлади»,— деди у. 

Маълумотларга кўра, Германия сентябр ойига келиб газ омборларини 85 фоизга тўлдирди.