ШҲТ Самарқанд саммити асосий мажлиси бошланди
16 сентябрь куни Самарқанд шаҳрида Шанҳай ҳамкорлик ташкилотига аъзо давлат раҳбарлари иштирокидаги саммит бошланди. Бу ҳақда Kun.uz мухбири хабар бермоқда.
Саммитда Ўзбекистон президенти Шавкат Мирзиёев кириш нутқини сўзлади.
"Саммитимиз, шубҳасиз, тарихий воқеадир. Бу пандемия синовларидан сўнг узоқ кутилган дўстларнинг юзма-юз учрашувидир. Бу шахсий мулоқот, ШҲТ мамлакатларнинг келажагини белгилаб берувчи қўшма қарорлар қабул қилиш имкониятидир,” - деди давлат раҳбари.
“Бу тадбир Ўзбекистон раислигида тарихий Самарқандда ўтаётгани биз учун катта фахрдир. Умид қиламанки, кеча Самарқанд руҳи ва халқимизнинг кўп йиллик тарихий маданияти билан танишдингиз”, - дея Шавкат Мирзиёевнинг сўзларини келтирмоқда Kun.uz мухбири.
Мирзиёевга кўра, бугунги тадбир доирасида ШҲТ давлатлари етакчилари 40 дан ортиқ халқаро келишувларни имзолаши кўзда тутилган.
Тадбирнинг қолган қисми тор доирада давом этмоқда.
ШҲТга кузатувчи ҳамда меҳмон сифатида таклиф қилинган Беларус, Эрон, Монголия, Туркия, Озарбойжон, Туркманистон етакчилари мажлисга тадбирнинг кенгайтирилган қисмида қўшилади.
Мавзуга оид
15:39 / 08.07.2024
ШҲТ яна кенгайди. Бу ташкилотнинг амалий эмас, декларатив характерини кучайтирадими?
18:48 / 04.07.2024
«Қарама-қаршилик ва протекционизм жаҳон иқтисодиёти парчаланиши ва етказиб бериш занжирлари узилишига сабаб бўлмоқда» — Шавкат Мирзиёев
15:22 / 04.07.2024
Беларус ШҲТнинг ўнинчи аъзоси бўлди
19:24 / 22.05.2024