Берлинда ватандошларнинг «O’zbekistonlik» биринчи форуми бўлиб ўтади

1 октябр куни Берлинда ватандошларнинг «O’zbekistonlik» биринчи форуми бўлиб ўтади. Форум бутун дунёдаги иқтидорли ўзбекистонликларни бирлаштирувчи ҳамда ватандошлар ва ватан ўртасидаги янги кўприк бўлувчи Uzbekistan’s Club лойиҳасига старт беради.

Форумга Европадаги ватандошлар, немис дипломатлари ва бизнесменлари ҳамда Ўзбекистондаги таниқли ОАВ ва блогерлар делегациялари таклиф этилган.

Форумда Оролбўйи минтақасига жаҳон ҳамжамияти эътиборини жалб этишга қаратилган Aral Dream халқаро PR-дастури тақдимоти ўтказилади.  

Германиядаги Uzbekistan’s Club ижодий гуруҳи томонидан суратга олинган «O’zbekistonlik» фильмининг иккинчи қисми премьераси асосий воқеа бўлади. Фильмни Youtube ва «Mening Yurtim» телеканали орқали 1 октябр соат 21.00да томоша қилиш мумкин.