Қўшимча функционаллар
-
Тунги кўриниш
Uzbekistan’s club нодавлат нотижорат ташкилот сифатида Адлия вазирлигида рўйхатдан ўтди
"O'zbekistonlik" лойиҳаси билан кўплаб ёшлар орасида машҳурликка эришган Uzbekistan’s club лойиҳаси Адлия вазирлиги томонидан нодавлат нотижорат ташкилот сифатида рўйхатдан ўтганини эълон қилди.
Uzbekistan’s club – халқаро миқёсда муваффақият қозониб келаётган ўзбекистонликларни бир ерга жамлаш мақсадида яратилган глобал платформа бўлиб, сифатли контент орқали ёшларга мотивация улашишни ўз олдига мақсад қилган лойиҳа ҳисобланади. Ташкилот хориждаги ўзбекистонликлар билан алоқа ўрнатиш, дунё бўйлаб турли соҳаларда муваффақиятга эришган ўзбекистонликлар ҳақида эксклюзив лойиҳаларни тайёрлаш ва улар билан доимий алоқада бўлиб туриш имконини берувчи мулоқот платформаси каби кўплаб лойиҳаларни бошлаган ва ҳозирги кунда муваффақиятли тарзда давом эттириб келмоқда.
Uzbekistan’s club нодавлат нотижорат ташкилот мақомига эга бўлгач, ўз олдига қўйган мақсадларини янада кенгайтирганини маълум қилди. Эндиликда ташкилот ўз олдига юқори мақсадларни қўйди, жумладан:
- хориждаги ўзбекистонликлар билан алоқа ўрнатиш;
- дунё бўйлаб турли соҳаларда муваффақиятга эришган ўзбекистонликлар ҳақида эксклюзив ва юқори сифатли аудиовизуал контент яратиш;
- жаҳон ҳамжамияти вакилларини буюк аждодларимизнинг бой маданий мероси ва дунё тамаддунига қўшган ҳиссаси ҳақидаги маълумотлар билан таништириб бориш мақсадида хизмат қилувчи майдон яратиш каби ёшларбоп ва мамлакат имижини юқорига кўтаришни мақсад қилган.
Ташкилотнинг расмий сайти (https://uzbekistans.club/uz/about-us)да барча лойиҳалар ва яқин келажакдаги режалар билан батафсил танишиш мумкин.
Мавзуга оид
14:09 / 19.10.2023
Лондонда “Ўзбекистонлик” III халқаро форуми ва Uzbekistan’s club янги лойиҳалари тақдимоти бўлиб ўтди
15:52 / 27.04.2023
“O‘zbekistonlik” фильмининг учинчи эпизоди намойиш этилди
20:05 / 25.04.2023
Ўзбекистон аҳолиси 2050 йилга бориб Евросиёдаги 50 мамлакат ичида 6-ўринга чиқиши мумкин
17:46 / 24.04.2023