Европа иттифоқи Россияга қарши экстратерриториал санкциялар жорий қилади

Янги санкциялар пакети ЕИга Европа иттифоқи санкцияларини четлаб ўтишга кўмак кўрсатадиган шахсларни қора рўйхатга киритиш имконини беради. Bloomberg таъкидлашича, экстратерриториал ўлчовнинг киритилиши Европа иттифоқининг санкциялар сиёсатида катта ўзгаришларни билдиради.

Фото: Reuters

Европа иттифоқи Россияга қарши Европа санкцияларини четлаб ўтишга кўмак кўрсатадиган Европа иттифоқи ичида ва ташқарисида бўлган шахсларни жиноий жавобгарликка тортиш учун кенг ваколатлар берувчи янги санкциялар пакетини ишлаб чиқди. Ўтган ҳафтада қабул қилинган ушбу пакет «жисмоний ва юридик шахслар, ташкилотлар ва компаниялар»ни қора рўйхатга киритиш имконини яратади, деб хабар берди Bloomberg 9 октябр куни хабардор манбаларга таяниб.

Агентлик таъкидлашича, санкциялар механизмига ҳам жисмоний шахсларни, ҳам бутун компанияларни, ҳаттоки ЕИ юрисдикциясидан ташқарида ҳам жазолаш имконини берувчи экстратерриториал жиҳатнинг киритилиши Европа иттифоқи сиёсатида катта ўзгаришлардан далолат беради. Бундан буён жазо чоралари, масалан, Россиянинг тақиқланган товарларини учинчи давлат орқали Европа иттифоқига олиб кирган, ҳақиқий келиб чиққан мамлакатини яширган ёки Россияга тақиқланган товарларни экспорт қилган шахсларга нисбатан қўлланилиши мумкин.

Bloomberg хабарига кўра, янги санкциялар механизми бошқаларга чекловларни четлаб ўтишга ёрдам берадиган Европа иттифоқи мамлакатлари фуқароларига нисбатан ҳам жазо чораларини қўллаш имконини беради.