Давлат раҳбари 29 октябр куни Сеул шаҳрининг Итэвон туманида Ҳэллоуинни нишонлаш учун тўпланган одамларнинг тиқилинчда нобуд бўлганига полиция айбдор эканини таъкидлади.
«Бахтсиз ҳодисаларнинг олдини олиш учун ким жавобгар? Полиция. Менимча, полиция кўплаб одамлар тўпланиши кутилаётганини билмаслиги ақлга сиғмайди», деди у.
Шунингдек, президент ҳуқуқ-тартибот идоралари ходимлари одамлар тўпланаётганини «тўрт соат давомида нега бехавотир томоша қилгани» билан қизиқди. Унинг таъкидлашича, полиция 112 рақамига қўнғироқ бўлмаган тақдирда ҳам чора кўриши керак эди.
Фожиа 29 октябр куни кечқурун Сеулнинг Итэвон туманида, «Hamilton» меҳмонхонаси яқинида содир бўлди. Ҳэллоуинни нишонлаш мақсадида тўпланган оломон тор хиёбонга ёпирилиши оқибатида тиқилинч юз берди.
Фожиада 156 киши, жумладан 97 нафар аёл ҳалок бўлди.
