Хитойлик муҳандис ютубер илк букланадиган iPhone’ни намойиш қилди

Муҳандис букланадиган iPhone прототипини “iPhone V” деб атаган. Уни ясашга 200 кун сарфланган ва ўнлаб iPhoneХ ҳамда бошқа турдаги телефон қисмларидан фойдаланилган.

Фото: macobserver

Бугунги кунда букланиш хусусияти эга смартфонлардан Samsung, Motorola ва Huawei каби брендлар фойдаланиб келмоқда. Бироқ Apple механик стрессга бардош бера оладиган мослашувчан ва бардошли экранларни ҳали намойиш қилгани йўқ.

Хитойлик ютубер эса iPhone’да букланиш функциясини синаб кўрди. Унинг айтишича, керакли бутловчи қисмларни йиғиш учун ўнлаб iPhoneХ’ларни демонтаж қилиш ва бошқа маркадаги телефонлардан қўшимча қисмлар олишга тўғри келган. Ва бу жараён 200 кун давом этган.

Прототипнинг экрани имкон қадар кўпроқ функционалликни сақлаб қолган ҳолда эгилиш учун етарлича мослашувчан қилиб ясашга эришилган.

Прототипга iPhone қувватининг учдан бирига эга бўлган 1000 мА/соат қувватга эга батарея жойлаштирилган. Смартфондаги сенсор тизими ҳам яхши ишланган. Бироқ экран қайта-қайта букланиш стрессига бардош бера олмагани сабаб фойдаланиш бошлангандан кейин бир неча кун ичида ишдан чиққан.