Тошкент шаҳар ҳокимлиги ҳузуридаги Рақамли ривожланиш департаменти geonom.tashkent.uz сайтини ишга туширди. Эндиликда 18 ёшга тўлган ва пойтахтда доимий ёки вақтинча рўйхатда бўлган фуқаролар сайтда рўйхатдан ўтиб, Тошкент шаҳридаги янги географик объектларни номлаш ва мавжудларини қайта номлашда иштирок этиши мумкин.
Лойиҳанинг илк босқичида фуқаролар Тошкент метрополитени ерусти линиясининг Дўстлик-Қўйлиқ ва Олмазор-Сергели йўналишларидаги 19 та бекатга ном бериш жараёнида иштирок этмоқда.
Kun.uz мухбири лойиҳа ташкилотчилари билан учрашиб, онлайн платформа ҳақида маълумот олди.
